Американинг электромобиллар ишлаб чиқарувчи Tesla Inc. компанияси жорий йилнинг учинчи чорагида электромобиллар ишлаб чиқаришни аввалги уч ойга нисбатан 50 фоизга ошириб, 80142 тага етказди. Бу компания тарихидаги энг юқори чорак кўрсаткичи, деб ёзмоқда «Корреспондент.net».
Ишлаб чиқарилган автомобиллар орасида 26903 тани Model S ва Model X, шунингдек, 53239 тани Model 3 ташкил қилган.
Июль — сентябрь ойларида 83,5 мингта, шу жумладан, 14470 та Model S, 13190 та Model X ва 55840 та Model 3 етказиб берилган.
Жорий йил учинчи чорагининг ўзида 2017 йилда сотилган машиналарнинг 80 фоизига тенг улов етказиб берилган. Етказиб берилган Model 3 ларнинг сони ўтган чораклардагини қўшиб ҳисоблагандагидан қарийб икки баробарга кўп бўлган.
Tesla жорий йилнинг охирига қадар 100 мингдан ортиқ Model S ва Model X электромобилларини етказиб бериш бўйича прогнозларни тасдиқлаган.
Изоҳ (0)