«Ўзавтосаноат» раҳбари Шавкат Умурзоқовнинг Асакадаги GM Uzbekistan заводига ташрифидан сўнг бир қатор раҳбар ходимлар ишдан олиниб, уларнинг ўрнига янги кадрлар тайинланган. Бу ҳақда GM Uzbekistan матбуот хизмати хабар бермоқда.
Хабар беришларича, лавозимидан озод қилинган ходимларнинг «ишларида жиддий камчилик ва хатолар борлиги аниқланган, улар кўп вақт ўз мансабларида бўлишган ва фаолиятлари давомида ишлаб чиқаришни олдинга силжишига йўл бермаган ва зиён кўришига сабаб бўлган».
Уларнинг ўрнига «автосаноатнинг янги концепциясини қўллаб қувватлайдиган, аввалги ходимларнинг хатолари устида тегишли чоралар кўра оладиган ҳамда олдига қўйилган вазифани амалда хаққоний ва сифатли бажара оладиган малакали ва интилувчан мутахассислар» тайинланган. Янги 10 раҳбар ходимнинг бари лавозимларга «вақтинчалик вазифа бажарувчи» сифатида тайинланган.
Янги тайинловлар
- Азимов Алишер Мираббасович — умумий масалалар бўйича бош директор ўринбосари в.б., 1975 йилда Тошкент шаҳрида туғилган, иқтисодчи-менеджер, тизимдаги иш тажрибаси 7 йил;
- Тўхтабоев Акрамжон Ҳошимжонович — ишлаб чиқариш бўйича бош директор в.б., 1973 йилда Наманган шаҳрида туғилган, муҳандис-тизим техниги, тизимдаги иш тажрибаси 23 йил;
- Акбаров Козимжон Комилжонович — коммунал хизмат кўрсатиш ва капитал қурилиш дирексияси директори в.б., 1965 йилда Фарғона шаҳрида туғилган, муҳандис-механик, тизимдаги иш тажрибаси 10 йил;
- Абдураҳмонов Дилшодбек Авазович — муҳандислик маҳсулоти ва етказиб берувчилар сифати дирексияси директори в.б., 1981 йилда Андижон шаҳрида туғилган, автоматлаштириш ва технологик жараёнларни бошқаруви, тизимдаги иш тажрибаси 13 йил;
- Тўрақулов Элёр Бахтиёрович — глобал харидларни бошқариш бўйича директор в.б., 1987 йилда Андижон шаҳрида туғилган, менежер, тизимдаги иш тажрибаси 8 йил;
- Мамадалиев Алишер Мурадилович — муҳандислик маҳсулоти ва етказиб берувчилар сифати дирексияси директори ўринбосари в.б., 1988 йилда Андижон шаҳрида туғилган, иқтисодчи, тизимдаги иш тажрибаси 8 йил;
- Мамажонов Анваржон Мамажонович — транспорт орқали юк ташиш бўлими бошлиғи в.б., 1972 йилда Андижон вилоятида туғилган, муҳандис иқтисодчи, тизимдаги иш тажрибаси 8 йил;
- Муродов Акмал Бойқобилович — иш бошқарувчи в.б., 1979 йилда Тошкент шаҳрида туғилган, менежер, тизимдаги иш тажрибаси 6 йил;
- Шоназаров Шавкат Шуҳратович — пресслаш цехи бошлиғи в.б., 1990 йилда Навоий шаҳрида туғилган, машиносозлик муҳандиси, тизимдаги иш тажрибаси 4 йил;
- Мусаев Абдураҳим Патахович — бош директор маслаҳатчиси в.б. — марказий юклаш майдони раҳбари, 1969 йилда Тошкент шаҳрида туғилган, иқтисодчи, юрист, тизимдаги иш тажрибаси 8 йил.
Изоҳ (0)