Бугун, 2 октябрь санасида Pepsi Суперлигада 25-тур баҳсларига старт берилди.
Жумладан, Суперлига чемпионлиги учун курашаётган «Бухоро» ўз майдонида «Локомотив»ни қабул қилиб, 1:3 ҳисобида мағлубиятга учради. «Темирйўлчилар» сафида Темурхўжа Абдуҳолиқов дублга эришди, яна бир голга эса Санжар Шоаҳмедов муаллифлик қилди. «Бухоро»нинг жавоб голи Саламат Қутибоев томонидан киритилди.
Суперлигада қолиш учун кураш олиб бораётган «Сўғдиёна» Жиззахда «Нефтчи»ни қабул қилиб, йирик 3:0 ҳисобида ғалабага эришди. Мезбонлар сафида Дарвидас Сернас, Шоҳруз Норхонов, Ойбек Нурматов ўз номини таблога ёздириб қўйишга эришди.
Қаршида «Насаф» «Қизилқум»ни меҳмон қилган баҳсда мухлислар 6 та гол гувоҳи бўлди. Шулардан 4 тасини мезбонлар киритган бўлса, 2 таси меҳмонлар чекига тўғри келди. «Насаф»нинг голларидан иккитаси Бобир Абдуҳолиқов ҳисобига ёзилди. Шунингдек, Мақсуд Каримов ва Бобур Давлатов ҳам ўз номини таблога ёздириб қўйди. Меҳмон «Қизилқум»нинг голлари Артур Геворкян ҳамда Ҳумоюн Абдуалимов томонидан киритилди.
Эртага 25-тур баҳслари давом эттирилади.
Pepsi Суперлига
25-тур беллашувлари
2 октябрь, сешанба
«Сўғдиёна» – «Нефтчи» 3:0
Голлар: 1:0—29 Дарвидас Сернас, 2:0—55 Шоҳруз Норхонов, 3:0—88 Ойбек Нурматов.
«Бухоро» – «Локомотив» 0:3
Голлар: 0:1—7 Темурхўжа Абдуҳолиқов, 0:2—19 Санжар Шоаҳмедов, 1:2—39 Саламат Қутибоев, 1:3—68 Темурхўжа Абдуҳолиқов.
«Насаф» – «Қизилқум» 4:2
Голлар: 1:0—29 Мақсуд Каримов, 2:0—35 Бобир Абдиҳолиқов, 3:0—54 Бобур Давлатов, 3:0—60 Артур Геворкян, 4:1—80 Бобир Абдиҳолиқов, 4:2—90 Ҳумоюн Абдуалимов.
Изоҳ (0)