Bugun, 2-oktabr sanasida Pepsi Superligada 25-tur bahslariga start berildi.
Jumladan, Superliga chempionligi uchun kurashayotgan “Buxoro” o‘z maydonida “Lokomotiv”ni qabul qilib, 1:3 hisobida mag‘lubiyatga uchradi. “Temiryo‘lchilar” safida Temurxo‘ja Abduholiqov dublga erishdi, yana bir golga esa Sanjar Shoahmedov mualliflik qildi. “Buxoro”ning javob goli Salamat Qutiboyev tomonidan kiritildi.
Superligada qolish uchun kurash olib borayotgan “So‘g‘diyona” Jizzaxda “Neftchi”ni qabul qilib, yirik 3:0 hisobida g‘alabaga erishdi. Mezbonlar safida Darvidas Sernas, Shohruz Norxonov, Oybek Nurmatov o‘z nomini tabloga yozdirib qo‘yishga erishdi.
Qarshida “Nasaf” “Qizilqum”ni mehmon qilgan bahsda muxlislar 6 ta gol guvohi bo‘ldi. Shulardan 4 tasini mezbonlar kiritgan bo‘lsa, 2 tasi mehmonlar chekiga to‘g‘ri keldi. “Nasaf”ning gollaridan ikkitasi Bobir Abduholiqov hisobiga yozildi. Shuningdek, Maqsud Karimov va Bobur Davlatov ham o‘z nomini tabloga yozdirib qo‘ydi. Mehmon “Qizilqum”ning gollari Artur Gevorkyan hamda Humoyun Abdualimov tomonidan kiritildi.
Ertaga 25-tur bahslari davom ettiriladi.
Pepsi Superliga
25-tur bellashuvlari
2-oktabr, seshanba
“So‘g‘diyona” – “Neftchi” 3:0
Gollar: 1:0—29 Darvidas Sernas, 2:0—55 Shohruz Norxonov, 3:0—88 Oybek Nurmatov.
“Buxoro” – “Lokomotiv” 0:3
Gollar: 0:1—7 Temurxo‘ja Abduholiqov, 0:2—19 Sanjar Shoahmedov, 1:2—39 Salamat Qutiboyev, 1:3—68 Temurxo‘ja Abduholiqov.
“Nasaf” – “Qizilqum” 4:2
Gollar: 1:0—29 Maqsud Karimov, 2:0—35 Bobir Abdiholiqov, 3:0—54 Bobur Davlatov, 3:0—60 Artur Gevorkyan, 4:1—80 Bobir Abdiholiqov, 4:2—90 Humoyun Abdualimov.
Izoh (0)