«Барселона»нинг франциялик ҳимоячиси Самюэль Умтитининг жароҳатидан тикланиш бўйича дастлабки тафсилотлар маълум бўлди, деб ёзади Mundo Deportivo.
Қайд этилишича, ЖЧ—2018 чемпиони камида 3 ҳафта майдонга туша олмайди. Умтити 27 сентябрь кунги машғулотларда жароҳат олганди. Агар футболчининг ҳолати яхшиланмаса, у ҳолда Умтити жарроҳлик амалиётини бошдан ўтказишга мажбур бўлади. Операция эса унинг тикланиш жараёнини янада узайтиради. Самюэлнинг жарроҳлик амалиётисиз ҳам ФИФА (октябрда терма жамоалар ўйинлари мавжуд) кунларидан сўнг учта ўйинда — «Севилья»(20 октябрь), «Интер»(23 октябрь), «Реал»(28 октябрь) майдонга тушиши ҳам сўроқ остида қолмоқда.
«Барселона» эса футболчининг соғлиғи билан таваккал қилмоқчи эмас ва иложи борича унинг чап тиззаси билан боғлиқ жароҳат бўйича аниқ ташхисга эга бўлишни истамоқда.
Изоҳ (0)