Тижорат банклари микрокредит ташкилотлари билан бир қаторда микроқарзлар бериш ҳуқуқига эга бўлди, деб ёзади «Газета.uz». Тегишли ўзгартиришларни киритиш Ўзбекистон Олий Мажлиси Сенати томонидан 27 сентябрдаги 16-ялпи мажлисда тасдиқланди.
Микроқарз суммаси энг кам ойлик иш ҳақининг 100 баробаригача бўлиши мумкин ва, асосан, нақд шаклда 1 йилгача муддатга берилади.
Шу билан бирга, йилига қарз олиниши мумкин бўлган миқдорнинг ярмидан кўпини ташкил қилувчи суммадаги микромолия хизматларини кўрсатиш келишувлари бўйича фоизлар ҳисобланиши, комиссия тўловлари ва жарималар ундирилиши ва бошқа жавобгарлик чораларининг қўлланилишига тақиқ ўрнатилади.
«Банклар микроқарзлар бериш ҳуқуқини қўлга киритаётгани ушбу соҳадаги рақобат муҳитини яхшилайди. Бундан ташқари, одамлар ҳатто олис ҳудудларда ҳам бу хизматлардан фойдаланиши мумкин бўлади. Бу микроқарзларнинг фоиз ставкалари бозор шароитида шаклланишига ҳам олиб келади. Баъзи банклар аллақачон микроқарзлар беришни бошлади, бу фоиз ставкалари 62 фоиздан ўртача икки баробар пасайишига олиб келди», — деди Марказий банк вакили.
Изоҳ (0)