Ўзбек олимлари Нобель совриндорига фахрий доктор унвонини берди

Тошкент автомобиль йўлларини лойиҳалаш, қуриш ва эксплуатацияси институтида «Йўл қопламаларини барқарор бошқариш тизимларини яратиш жараёнининг муаммолари» мавзусида илмий-амалий семинар бўлиб ўтмоқда, деб ёзади ЎзА.

Маҳаллий ва хорижий соҳа вакиллари таклиф этилган ушбу тадбирда мамлакатдаги автомобиль йўлларини лойиҳалаштириш, қуриш ва улардан фойдаланиш ишларига комплекс ёндашувни ташкил этиш, бу борада хорижий алоқаларни йўлга қўйиш, кадрларни тайёрлаш, қайта тайёрлаш ва малакасини оширишга қаратилган долзарб масалалар муҳокама этилади.

Семинарнинг аҳамиятли томонини шундаки, унда илк бор Сингапур миллий университети профессори, «Энг яхши мақола» номинацияси бўйича Нобель мукофоти совриндори, бир неча нуфузли академиялар академиги, Сингапур йўл қопламалари уюшмаси президенти Фуа Тин Фанг ва Хитойнинг Чанан университети профессори Чу Лонгжиа иштирок этмоқда.

Анжуманда жаноб Фуа Тин Фангга Тошкент автомобиль йўлларини лойиҳалаш, қуриш ва эксплуатацияси институтининг фахрий доктори унвони берилди.