Россия президенти Владимир Путин 29 сентябрь, шанба кунини Хакасиянинг тайгасида ўтказди, деб ёзади «РБК». У ерда у МДҲ мамлакатлари етакчилари саммитига сафардан сўнг дам олди.
МДҲ саммити бўлиб ўтган Душанбедан қайтишда Путин Хакасияда тўхтаб ўтди. Шанба кунини давлат раҳбари тайгада қисқа ҳордиқ билан ўтказган. Бу ҳақда ОАВлар президент матбуот котибига таяниб хабар бермоқда.
Дмитрий Песков Путин тайгада айнан нима билан шуғулланганига аниқлик киритмади. 30 сентябрь, якшанба куни эса у ердан Сочига учиб кетди. Сочида президент «Формула-1» раҳбарияти билан бирга автопойгалар бўйича жаҳон чемпионатининг Россия босқичини томоша қилди ва мусобақа ғолиби британиялик Льюис Хэмилтонни тақдирлади.
Изоҳ (0)