Rossiya prezidenti Vladimir Putin 29-sentabr, shanba kunini Xakasiyaning taygasida o‘tkazdi, deb yozadi “RBK”. U yerda u MDH mamlakatlari yetakchilari sammitiga safardan so‘ng dam oldi.
MDH sammiti bo‘lib o‘tgan Dushanbedan qaytishda Putin Xakasiyada to‘xtab o‘tdi. Shanba kunini davlat rahbari taygada qisqa hordiq bilan o‘tkazgan. Bu haqda OAVlar prezident matbuot kotibiga tayanib xabar bermoqda.
Dmitriy Peskov Putin taygada aynan nima bilan shug‘ullanganiga aniqlik kiritmadi. 30-sentabr, yakshanba kuni esa u yerdan Sochiga uchib ketdi. Sochida prezident “Formula-1” rahbariyati bilan birga avtopoygalar bo‘yicha jahon chempionatining Rossiya bosqichini tomosha qildi va musobaqa g‘olibi britaniyalik Lyuis Xemiltonni taqdirladi.
Izoh (0)