АҚШ президенти тинчлик бўйича 2018 йилги Нобель мукофотига эҳтимолий даъвогарлар рўйхатига кирди, деб ёзади Forum Daily. Бунга унинг шу йил июнида Сингапурда Шимолий Корея етакчиси Ким Чен Ин тарихий учрашув ўтказгани сабаб бўлди. Бу музокаралар Корея ярим оролида ядровий қуролсизланиш жараёнининг бошланиши бўлиши мумкин.
Тинчлик бўйича 2018 йилги Нобель мукофоти совриндори номи 5 октябрь куни Норвегия пойтахти Ослода бўлиб ўтадиган матбуот анжуманида эълон қилинади. 1,4 миллион доллар мукофот пули ғолибга 10 декабрдаги тантанали маросимда топширилади.
Мукофотга эҳтимолий номзодлар рўйхатида 300 дан ортиқ одам бор, аммо Трамп шорт-листга кириши тахмин қилинмоқда. Унга, шунингдек, КХДР раҳбари Ким Чен Ин, Жанубий Корея президенти Мун Чжэ Ин, Германия канцлери Ангела Меркель, Рим папаси Франциск, қочоқлар масалалари бўйича БМТ Олий комиссари Филиппо Гранди ҳам киритилиши мумкин.
Эслатиб ўтамиз, Норвегиянинг ҳукмрон партияси аъзолари АҚШ президенти Дональд Трампни Корея ярим оролини ядросизлантириш ҳақидаги битимга эришиш йўлидаги хизматлари учун тинчлик бўйича Нобель мукофотига 2018 йил июнида номзод сифатида илгари сурган эди. Аммо Трамп 2018 йилда Нобель мукофотини ололмаслиги, бу йил мукофот учун курашда энг кечи билан январда илгари сурилган номзодлар қатнашаётганлиги айтилган эди. Янги маълумотга кўра эса, Трамп 2018 йилги шорт-листга кириши мумкин.
Изоҳ (0)