Македонияда 30 сентябрда мамлакатни Македония Республикаси деб номлаш тўғрисида Греция билан келишув имзолаш масаласида бўлиб ўтган референдум ўтказилмаган деб тан олинди. Бу ҳақда сайлов бюллетенлари ҳисоблаб чиқилганидан кейин Давлат сайлов комиссияси раиси Оливер Деркоский маълум қилди, деб ёзмоқда «Корреспондент.net».
Овоз беришнинг тасдиқланган натижаларига кўра, қарор қабул қилинмаган. Чунки сайловчиларнинг рўйхатда кўрсатилган умумий сонининг ярми овоз бермаган.
Сайлов комиссиясининг маълумотларига кўра, сайловчиларнинг 36,91 фоизи овоз беришда иштирок этган. Греция билан ҳукуматлараро келишув учун 91,46 фоиз сайловчи розилик берган, 5,65 фоизи эса қаршилик билдирган.
30 сентябрдаги референдумда битта саволга жавоб бериш таклиф қилинган: «Македония Республикаси ва Греция Республикаси ўртасидаги келишувни қабул қилган ҳолда Европа Иттифоқи ва НАТОга аъзоликни қўллаб-қувватлайсизми?»
Референдум номи Греция шимолидаги вилоятнинг номи билан бир хил бўлган собиқ Югославия республикаси номи юзасидан Афина ва Скопье ўртасидаги 27 йиллик баҳсни ечишга ёрдам бериш мақсадида уюштирилган.
Изоҳ (0)