Шимолий Корея раҳбари Ким Чен Ин Жанубий Корея президенти Мун Чжэ Инга ноёб пхунсан зотли иккита итни юборди, деб ёзади TJournal.
Бу уларнинг Пхеньянда сентябрь ойи ўрталарида бўлиб ўтган учрашувидан кейин юз берди, аммо итлар икки мамлакат ўртасидаги қуролсизлантирилган ҳудудда пухталик билан текширилганидан кейин, Жанубий Кореяга 27 сентябрь куни ўтказилди.
Пхунсан — КХДРда яратилган ва ундан ташқарида деярли тарқалмаган зот. Бундай зотдаги итлар содиқлиги ва йирик ҳайвонлар, ҳатто, йўлбарсларни ов қила олиши билан машҳур.
ОАВлар Ким Чен Иннинг совғасини қачонлар уруш қилиб келган икки мамлакат ўртасидаги алоқалар яхшиланаётганининг яна бир белгиси деб баҳоламоқда. Худди шундай совға — иккита пхунсанни 2000 йилда биринчи Кореялараро саммитдан кейин Жанубий Кореянинг ўша вақтдаги президентига Шимолий Кореянинг ҳозирги раҳбарининг отаси — Ким Чен Ир ҳадя қилган эди.
Изоҳ (0)