1 октябрдан саноат корхоналари ва автомобилларни ювиш шохобчалари учун сув ресурсларидан фойдаланганлик учун солиқ оширилади. Бир кубометр сувнинг нархи 1000 сўмгача оширилади, деб ёзади «Турон24».
Бу 2 июль куни Ўзбекистон Президенти Шавкат Мирзиёев томонидан имзоланган «Сув ресурсларидан самарали фойдаланиш чора-тадбирлари тўғрисида»ги фармонда кўзда тутилган.
Автомобилларни ювиш шохобчалари учун 1 кубометр нархи 98,2 сўмдан 1000 сўмгача оширилади. Бундан ташқари, автомобилларни ювиш шохобчалари солиқлар йиғиш тизимидан қатъи назар (солиқ йиғишнинг умумий ёки соддалаштирилган тартиби), ҳатто ягона солиқни тўлаган бўлса ҳам, ушбу солиққа тортилади.
Саноат корхоналари учун нарх 98,2 сўмдан 300 сўмгача ошади.
Изоҳ (0)