1-oktabrdan sanoat korxonalari va avtomobillarni yuvish shoxobchalari uchun suv resurslaridan foydalanganlik uchun soliq oshiriladi. Bir kubometr suvning narxi 1000 so‘mgacha oshiriladi, deb yozadi “Turon24”.
Bu 2-iyul kuni O‘zbekiston Prezidenti Shavkat Mirziyoyev tomonidan imzolangan “Suv resurslaridan samarali foydalanish chora-tadbirlari to‘g‘risida”gi farmonda ko‘zda tutilgan.
Avtomobillarni yuvish shoxobchalari uchun 1 kubometr narxi 98,2 so‘mdan 1000 so‘mgacha oshiriladi. Bundan tashqari, avtomobillarni yuvish shoxobchalari soliqlar yig‘ish tizimidan qat’i nazar (soliq yig‘ishning umumiy yoki soddalashtirilgan tartibi), hatto yagona soliqni to‘lagan bo‘lsa ham, ushbu soliqqa tortiladi.
Sanoat korxonalari uchun narx 98,2 so‘mdan 300 so‘mgacha oshadi.
Izoh (0)