Қирғизистон президенти Нью-Йоркка оддий рейс билан бориб келди, сафар чоғида йўловчилар билан суратга тушди (фото)

Қирғизистон президенти Сооронбой Жээнбеков Нью-Йоркка оддий рейс билан бориб келди, сафар чоғида қирғизистонликлар у билан суратга тушди, деб ёзади Sputnik. Давлат раҳбари БМТ Бош Ассамблеясининг 73-сессиясида қатнашди.

Сиёсатшунос Темирлан Сарликбек ўғли самолёт бортида президент билан селфига тушди ва у оддийлиги билан барчани ҳайратда қолдирганини таъкидлади.

https://www.facebook.com/photo.php?fbid=2230235653671034&set=a.589761944385088&type=3&permPage=1

“У “Манас” эпоси, тарихий қаҳрамонлар ва воқеалар ҳақида гапириб берди, шунингдек, янги катта лойиҳа бошланаётганини маълум қилди”, — деб ёзди у.

Қирғизистон Қизил ярим ой миллий ҳамжамияти президенти Азамат Баялинов ҳам Жээнбеков билан селфи олди.

«Президентимиз Нью-Йоркка қандай бориб келгани ҳақида саволлар бўлган эди. Оддий рейс билан. Офарин!» — деб ёзди у.

https://www.facebook.com/photo.php?fbid=10156704711521613&set=a.10150569438441613&type=3&permPage=1