Россиянинг тезкор-қидирув тадбирлари учун воситалар ишлаб чиқарувчи бир нечта корхоналарга эгалик қилувчи «Цитадель» холдинги рақобатчиси — «Сигнатек»нинг 90 фоизини сотиб олди, деб ёзади «Ведомости».
Янгиланган тезкор-қидирув тадбирлари учун воситалар 2018 йил 1 июлда кучга кирган Яровая қонунини бажариш учун керак бўлади.
«Цитадель» холдинги Virtus.pro киберспорт лойиҳаси асосчиси Антон Черепенниковга тегишли бўлиб, у 2015 йилда киберспорт бизнеси бўйича Алишер Усмоновнинг шеригига айланган.
Эслатиб ўтамиз, 2016 йил 24 июнь куни Россия Давлат думаси депутат Ирина Яровая ва сенатор Виктор Озеров томонидан киритилган аксилтеррор қонун лойиҳасини иккинчи ва учинчи ўқишда қабул қилган эди. Ушбу лойиҳа ахборот тарқатиш ташкилотчиларини маълумотлар шифрланган тақдирда махсус хизматларга уларни ўқиш имконини берувчи манбаларни тақдим этиш мажбуриятини юклайди. Бундан бош тортилган тақдирда 1 миллион рублгача жарима кўзда тутилган.
Изоҳ (0)