«Ўзстандарт» агентлиги раҳбарияти тизимдаги масалалар, иш жараёнида ечимини кутаётган муаммоларни аниқлаш мақсадида жойларда аҳоли ва тадбиркорлик субъектлари билан очиқ мулоқотларни ташкил этмоқда. Бу ҳақда агентлик матбуот хизмати хабар берди.
Бу Шавкат Мирзиёевнинг 11 сентябрдаги «Ҳудудларда тадбиркорлик ташаббуслари ва лойиҳаларини жадал амалга оширишни ташкил этиш чора-тадбирлари тўғрисида»ги қарорига мувофиқ амалга оширилмоқда.
Тадбиркорлар ушбу ҳавола орқали ўзи ва корхона ҳақидаги маълумотларни (телефон рақами, манзил ва ҳ.к) киритиши мумкин. Агентлик вакиллари улар билан боғланиб, корхонага ташриф буюради.
«Муҳтарам Президентимиз таъкидлаганларидек, «Халқ давлат идораларига эмас, давлат идоралари халқимизга хизмат қилиши керак» деган тамойилга асосан, тадбиркорлар «Ўзстандарт» агентлигига эмас, аксинча «Ўзстандарт» агентлиги тадбиркорлар ҳузурига бориб, улар билан юзма юз учрашувлар ўтказишга бел боғлади», — дейилади хабарда.
Изоҳ (0)