Россиянинг Ашхободдаги элчиси Александр Блохин Туркманистон президенти Гурбангули Бердимуҳамедовга унинг бобосига тақдим этилган «Жасорат учун» медалини топширди, деб ёзади Sputnik.
Президентнинг бобоси — Бердимуҳамед Аннаевни Иккинчи жаҳон уруши йилларида намоён қилинган мардлиги, ботирлиги ва жасурлиги учун медаль билан тақдирлаш тўғрисидаги фармонни Россия президенти Владимир Путин 2018 йил июнида имзолаган эди.
Бердимуҳамедов россиялик дипломатга ва президент Владимир Путинга медаль учун миннатдорлик билдирди ва уни Туркманистон мудофаа вазирлиги музейига берди.
Бердимуҳамед Аннаев қишлоқ ўқитувчиси бўлган, урушдан II гуруҳ ногирони бўлиб қайтган. 1948 йилда Ашхобод зилзиласи чоғида ҳалок бўлган.
Изоҳ (0)