Фарғона шаҳар мактабгача таълим бўлими мудири ўринбосари А.Эминов ва вилоят мактабгача таълим бошқармаси мутахассиси А.Узоқов хизмат мавқеларидан фойдаланмоқчи бўлди. Бу ҳақда ЎзА хабар бермоқда.
Улар Г.Мирзаевани Фарғона шаҳридаги 5-мактабгача таълим муассасасига ишга жойлаштириш, икки нафар фарзандини ҳам шу муассасага тарбияланувчи сифатида олишни ваъда қилиб, эвазига 300 доллар сўраган.
Жорий йил 2 апрель куни шаҳардаги «Баркамол авлод маркази» биноси ёнида А.Узоқов 300 АҚШ долларини Г.Мирзаевадан фирибгарлик йўли билан олиб, 3 апрель куни ушбу суммани А.Эминовга етказган.
Иқтисодий жиноятларга қарши курашиш департаменти вилоят бошқармаси томонидан мазкур ҳолат фош этилди.
Жиноят ишлари бўйича Марғилон шаҳар суди раиси М. Ибрагимов раислигида мазкур жиноят иши кўриб чиқилиб, уларга тегишли жазо тайинланди.
Изоҳ (0)