Адлия вазирлиги Ўзбекистон нотариуслари рейтингини эълон қилди. Бу ҳақда «Podrobno.uz» хабар бермоқда.
Нотариусларнинг жорий йил 6 ойи давомидаги фаолияти 100 балли тизимда баҳоланган рейтингда нотариал ҳаракатлар сони ва сифати, аҳолига хизмат кўрсатиш тезкорлиги ва қулайлиги, профессионал вазифаларни бажариш даражаси ҳисобга олинди.
Мамлакат бўйича 651 нотариусдан 28 нафари «аъло», 268 нафари «яхши», 278 нафари «қониқарли» ва 77 нафари «қониқарсиз» баҳо олди.
Ҳудудлар бўйича эса рейтингдаги юқори ўринни Тошкент, Навоий ва Хоразм вилояти, қуйи ўринларни эса Тошкент шаҳри, Жиззах ва Бухоро вилоятлари эгаллади.
Рўйхатдаги энг юқори — 98 баллга Тошкент вилоятининг Зангиота туманидаги 7-нотариус, энг паст — 21 баллга эса Тошкент шаҳрининг Миробод туманидаги 6-нотариус лойиқ кўрилди.
Изоҳ (0)