«Ўзбекконцерт» давлат муассасаси ташаббуси билан 29 сентябрь куни Тошкентдаги «Халқлар Дўстлиги» санъат саройи олдидаги байроқ остида жонли ижрода гала концерт дастури бўлиб ўтади. «Ўзбекконцерт» матбуот хизмати ахборотига кўра, концерт халқ сайли тарзида ўтказилиб, уни томоша қилиш бепул бўлади.
«Мамлакатимизда фаолият юритаётган, жонли ижро этишни яхши кўрадиган, санъацевар ўзбек халқига ўз қўшиқларини тақдим этишни истаган барча хонандалар ушбу концерт дастурида иштирок этишлари мумкин. Бунинг учун муассасага келиб учрашишлари керак бўлади. Айни дамда унда ёшлар қўшиқларини севиб тинглайдиган 10 нафар эстрада хонандаси иштирок этиш истагини билдирди», — дейилади хабарда.
Маълумот учун, ушбу концерт дастури 29 сентябр куни, соат 19:00 да бошланади.
Изоҳ (0)