Американинг Time журнали муҳаррири Дэн Стюарт Twitter’да журналнинг октябрдаги сони муқовасини эълон қилди, унда Владимир Путин ва Дональд Трамп акс этган, деб ёзади «РИА Новости».
Муқовада очиб ташланган матрёшкани кўриш мумкин. Унинг энг катта қисмига Америка президентининг расми туширилган. Матрёшканинг ундан кейинги кичикроқ қисмларида россиялик тадбиркор Виктор Вексельберг ва америкалик сиёсатчи Пол Манафортни кўриш мумкин. Владимир Путин ўйинчоқнинг энг кичик бўлагига чизиб қўйилган.
«Барча шоҳ лашкарлари. Путин олигархларининг Трамп жамоасига тушиб қолиши ҳақида» — журналнинг октябрдаги сони, Стюартнинг маълум қилишича, ана шундай сарлавҳа билан чиқади.
Time’нинг навбатдаги сони 2016 йил АҚШ президенти сайловлари чоғидаги Москва ва Вашингтоннинг ўзаро сиёсий алоқаларига бағишланиши кутилмоқда.
Аввалроқ Американинг Time журнали ўз муқовасига Россия ва АҚШ президентлари Владимир Путин ва Дональд Трампнинг бирлаштирилган портретини жойлаштирган эди.
Изоҳ (0)