АҚШ 20 сентябрь, пайшанба куни Россия қурол-яроғини сотиб олиш бўйича битимлар туфайли Хитой мудофаа вазирлиги ва «Рособоронекспорт» ходимларига қарши санкциялар киритди, деб ёзади «РИА Новости».
Хусусан, қўшинларни тайёрлаш ва Хитой марказий ҳарбий кенгашини таъминлаш департаменти ва унинг раҳбари Ли Шанфу чекловлар остига тушди. Кенгаш мамлакат қуролли кучларини бошқаради, унга эса бевоси Хитой раиси Си Цзиньпин раҳбарлик қилади.
Оқ уй вакили маълум қилишича, чеклов чоралари Россиядан ўтган йилнинг декабрида Су-35, 2018 йил январида эса С-400 зенит-ракетали тизимларнинг сотиб олиниши туфайли киритилган. Иккала транзакция ҳам Россияга қарши санкциялар кучга кирганидан кейин амалга оширилган.
Изоҳ (0)