Халқ таълимивазирлиги қошидаги эксперт-таҳлилий кенгаши ОАВда эълон қилинган бола ҳуқуқларини бузувчи материалларни аниқлаш мақсадида жамоатчилик комиссияси тузилади. Бу ҳақда вазирлик матбуот хизмати маълум қилди, дея хабар беради «Nuz.uz».
Комиссия болалар ҳуқуқлари ва манфаатларини ҳимоя қилиш муаммоларини ўрганади, ОАВда болаларга тааллуқли масалаларнинг тўғри ёритилишига оид тавсия ва таклифлар ишлаб чиқади. Унинг таркибига руҳшунослар, ҳуқуқшунослар, инсон ҳуқуқлари бўйича мутахассислар, журналистлар ва ота-оналар вакиллари кириши кўзда тутилган.
Вазирлик қошидаги кенгаш раиси Ҳилола Сулаймоновага кўра, «Ўзбекистон 24» телеканалидаги шов-шувли репортаж мазкур комиссия тузилишига туртки бўлмаган. Бундай кузатув органини шакллантириш зарурати аллақачон пишиб етилган бўлиб, маълум вақт мобайнида унинг концепцияси, таркиби, мақсад ва вазифалари муҳокама қилинган. Бугунги кунга келиб комиссия тўлиқ шаклланган ва яқин орада ўз ишини бошлайди.
Комиссия режаларида ОАВда болалар мавзусини ёритиш бўйича қоидалар тўпламини ишлаб чиқиш, шунингдек, журналистлар билан махсус тренинглар ўтказиш ўрин олгани билдирилмоқда.
Изоҳ (0)