Қирғизистон пойтахтида «Маънавий ипак йўли: Буюк инсоний қадриятлар ва замонавий таҳдидлар» номли халқаро анжуман бошланди. Бу ҳақда Ўзбекистон мусулмонлари идораси матбуот хизмати маълум қилди.
Идора раиси, муфтий Усмонхон Алимов бошчилигидаги делегация мазкур анжуманда қатнашмоқда.
Муфтий дастлаб анжуман дастуридан ўрин олган Бишкек шаҳридаги «Абу Бакр Сиддиқ Мусахон тўра» жоме масжидининг очилиши маросимида иштирок этди ва мезбонларни ушбу воқеа билан қутлади.
Тадбирда Россия муфтийлар кенгаши раиси ўринбосари Дамир ҳазрат, Қозоғистон бош муфтийси Серикбай Ўраз, Қирғизистон бош муфтийси Максатбек Токтомушев, Тожикистон муфтийси Саидмукаррам Абдуқодирзода, Литва муфтийси Якубаускас Ромас ва бошқа меҳмонлар қатнашди.
Меҳмонлар ушбу масжидда аср намозини адо этди.
Изоҳ (0)