Уч ой ичида Россиядан Ўзбекистонга жисмоний шахслар томонидан 1 миллиард доллардан ортиқ пул ўтказилди, деб ёзади Spot Россия Марказий банки маълумотларига таяниб.
Иккинчи чоракда пул ўтказмалари ҳажми 1,07 миллиард долларни ташкил қилди. Ўртача олганда битта пул ўтказмаси суммаси 375 долларга тенг бўлди.
Шунинг фақат 318 миллион долларини Россия фуқаролари ўтказган, қолган 759 миллиони Россия шаҳарларида ишловчи Ўзбекистон фуқаролари ҳиссасига тўғри келди.
Ўзбекистон Россиядан пул ўтказмалари ҳажми бўйича барча МДҲ мамлакатларини ортда қолдирмоқда. Масалан, рейтингда иккинчи ўринда бўлган Қирғизистонга 681 миллион доллар, учинчи ўриндаги Тожикистонга эса 672 миллион доллар юборишган.
Изоҳ (0)