Россия президенти Владимир Путин Япония бош вазири Синдзо Абэнинг тинчлик шартномасини тузишга ёндошувларни ўзгартириш ҳақидаги таклифини қабул қилганлигини билдирди. Бу ҳақда у Владивостокдаги Шарқий иқтисодий форум пленар йиғилишида маълум қилди, дея хабар беради «РБК».
Путин мамлакатлар 70 йилдан бери тинчлик шартномасини имзолашга уринаётгани, Япония парламенти ва СССР Олий совети 1956 йилда ратификация қилган декларация эса бундай шартнома қисқа муддатда тузилишини кўзда тутишини эслатди.
«Биз 70 йилдан бери музокаралар олиб боряпмиз. Келинглар, тинчлик шартномасини имзолайлик, фақат ҳозир эмас, лекин йил охиригача. Кейин шу шартнома асосида баҳсли масалаларга ечим излаймиз. Бу барча муаммоларни ҳал этишимизни енгиллатган бўларди», — деди Путин.
Изоҳ (0)