Андижон вилоятининг чекка қишлоқларида ҳам спортни ривожлантиришга бўлган эътибор ортиб бормоқда. Бу ҳақда «Халқ сўзи» хабар бермоқда.
Пахтаобод туманида қуриб фойдаланишга топширилган ёпиқ сузиш ҳавзаси бунга мисол бўла олади. «Олтинкўл бунёдкори» МЧЖ томонидан 3,1 миллиард сўм давлат маблағи эвазига барпо этилган ушбу масканда ўғил-қизлар сузишдан сабоқ олади.
— Болалигимдан сузишга қизиқсам ҳам туманимизда бунга имкон йўқлигидан афсусланардим, - дейди «Маданият» маҳалла фуқаролар йиғинида истиқомат қилувчи Шерзодбек Абдураҳмонов. — Фаолият юрита бошлаган сузиш ҳавзасида тажрибали мураббий кўмагида сузиш билан шуғуллана бошладим. Келгусида нуфузли мусобақаларда иштирок этишдан умидворман.
Ушбу ҳавзанинг иситиш мосламалари кўмир ва газга мослашган бўлиб, бу йилнинг тўрт фаслида ҳам фаолият юритиш имконини беради.
Изоҳ (0)