Давлат солиқ қўмитасининг буйруғига асосан Тошкент шаҳрининг Шайхонтоҳур ва Сергели туманлари давлат солиқ инспекцияларига бошлиқ тайинланди. Бу ҳақда «Газета.uz» хабар бермоқда.
Фахриддин Абдунабиев Шайхонтоҳур тумани давлат солиқ инспекцияси бошлиғи лавозимига тайинланди.
Фахриддин Абдунабиев 1972 йилда Самарқанд вилояти Булунғур туманида туғилган. Маълумоти олий, 1994 йили Тошкент давлат иқтисодиёт университетини тамомлаган.
Меҳнат фаолиятини 1994 йилдан Чилонзор тумани давлат солиқ инспекциясида бошлаган. Фахриддин Абдунабиев Чилонзор, Миробод ва Сергели туманлари давлат солиқ инспекцияларида турли масъул ва раҳбарлик лавозимларида ишлаган.
Шу кунга қадар Тошкент шаҳар Сергели тумани давлат солиқ инспекцияси бошлиғи лавозимида фаолият юритган.
Жаҳонгир Мирпўлатов Сергели тумани давлат солиқ инспекцияси бошлиғи лавозимига тайинланди.
Жаҳонгир Мирпўлатов 1985 йилда Тошкент шаҳрида туғилган. Маълумоти олий, 2003 йили Тошкент молия ва иқтисодиёт коллежини, 2011 йили Тошкент давлат иқтисодиёт университетини тамомлаган.
Жаҳонгир Мирпулатов меҳнат фаолиятини 2003 йилда Чилонзор тумани давлат солиқ инспекциясида бошлаб, масъул ва раҳбарлик лавозимларида ишлаган.
Шу кунга қадар Тошкент шаҳар Шайхонтоҳур тумани давлат солиқ инспекцияси бошлиғининг биринчи ўринбосари лавозимида фаолият олиб борган.
Изоҳ (0)