Ўзбекистон Президенти девони ва Ўзбекистон Президенти ҳузуридаги Тадбиркорлик субъектларининг ҳуқуқларини ҳимоя қилиш бўйича вакил (Бизнес омбудсман) томонидан инвесторлар учун Қорақалпоғистон Республикаси, вилоятлар ва Тошкент шаҳрининг инвестицион хариталари ишлаб чиқилди.
Инвестицион хариталарни ишлаб чиқишдан кўзланган асосий мақсад хорижий ва маҳаллий инвесторлар учун ҳар бир ҳудуднинг ўзига хос инвестицион жозибадорлигини, мавжуд имтиёз ва преференциялар, инвестиция киритиш учун устувор бўлган соҳалар, туризм, транспорт ва мухандислик коммуникация инфратузилмаси, минерал хом ашё захираси тўғрисида тўлиқ маълумот етказиш ҳисобланади.
Ҳозирда инвестицион хариталар Ўзбекистон Республикаси Президенти ҳузуридаги Тадбиркорлик субъектларининг ҳуқуқларини ҳимоя қилиш бўйича вакил, Ўзбекистон Республикаси Инвестициялар бўйича давлат қўмитаси, Ташқи ишлар вазирлиги, вилоят ҳокимликларининг сайтларида жойлаштирилган.
Шунингдек, мазкур хариталардан келиб чиқиб Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан ҳар бир туман (шаҳар)нинг инвестицион хариталари ишлаб чиқилмоқда.
Хорижий ва маҳаллий инвесторларга ушбу инвестицион хариталардан фойдаланиш тавсия этилади.
Изоҳ (0)