Бухоро вилояти Олот чегара божхона пости ходимлари катта миқдордаги товар-моддий бойликларнинг қонунга хилоф тарзда олиб ўтишга бўлган уринишларни бартараф қилди. Бунда мазкур постга ўрнатилган замонавий мобил сканер қурилмаси божхоначиларга беминнат асқотмоқда, деб хабар беради Божхона қўмитаси ахборот хизмати.
Хорижий давлатдан кириб келган ва чет эл фуқароси бошқарувидаги юк автомашинаси тўхтатилиб, йирик ҳажмдаги юк автотрансопрт воситалари учун мўлжалланган инспекцион кўрик мажмуаси орқали кўздан кечирилганида, унга ортилган юклар билан юк-кузатув ҳужжатларида кўрсатилган маълумотлар ўртасида номутаносиблик юзага келди.
Божхона кўригида давомида автомашинага юк кузатув ҳужжатларида умуман кўрсатилмаган умумий қиймати 2,3 миллиард сўмдан ортиқ бўлган 6,3 тонна оғирликдаги 16 минг 876 дона эркаклар жемпери ва свитерлари ортилгани аниқланди. Ушбу товарлар ҳужжатларда «эркаклар коржомаси» дея кўрсатилган.
«Агар ҳужжатларга ишонилганида, улардан кўрсатилган эркаклар коржомасини эркин муомалага чиқариш учун тадбиркор 109 миллион сўм атрофида божхона тўловларини тўлар эди. Лекин, божхона кўриги натижасида аниқланган эркаклар жемпери ва свитерлари учун ҳисобланган божхона тўловлари 697 миллион сўмдан ортар экан.
Шундан сўнг, мазкур юклар ҳам белгиланган тартибда ва холислар иштирокида кўздан кечирилганида, юк автомашинасига ҳужжатларда кўрсатилганидан ортиқча 181,2 миллион сўмлик 1,5 тонна оғирликдаги салкам 147 минг дона ручкалар ортилганлиги фош этилди.
Ҳозирда мазкур ҳолатлар юзасидан божхона текширувлари давом эттирилмоқда.
Изоҳ (0)