Украина президенти Пётр Порошенко 30 сентябргача Москвани 1997 йилда Россия билан имзоланган Дўстлик, ҳамкорлик ва шериклик ҳақидаги шартноманинг амал қилиши тўхтатилиши ҳақида хабардор қилади, деб ёзади «Лига.Новости».
«Шуни алоҳида таъкидлайманки, шартнома бекор қилинмайди, чунки бу мураккаб ва узоқ давом этадиган жараён, балки у узайтирилмаслиги сабабли амал қилинишини тўхтатади», — деди Порошенко.
Шартнома охирги марта 2008 йил октябри бошида автоматик тарзда узайтирилган эди. Унинг амал қилиш муддати 2019 йил 1 апрелда тугайди.
Аввалроқ ташқи ишлар вазири Павел Климкин Украина 30 сентябргача Россияни шартнома амал қилишини тўхтатиш истаги ҳақида расман огоҳлантириши кераклигини, акс ҳолда у яна 10 йилга узайтирилишини айтган эди.
Изоҳ (0)