Германияда суд афғонистонлик қочоқни 15 ёшли қизни ўлдиргани учун саккиз йилу олти ойга қамоқ жазосига ҳукм қилди. Бу ҳақда Deutsche Welle хабар берди.
Абдулла Д.нинг адвокати маълум қилишича, суд адолатли қарор чиқарган, жиноятчининг ўзи ҳам шунга рози бўлган.
Иш кенг қамров олган ва Германия ҳукуматининг муҳожирлар сиёсатига нисбатан норозиликлар тўлқинини кетириб чиқарган. Баъзи фуқаролар ҳукмни етарлича қаттиқ эмас, деб ҳисоблаган.
Судланувчининг сўзларига кўра, жиноятни содир этган вақтда у 15 ёшда бўлган, шунинг учун у вояга етмаган сифатида судланган. Бироқ бу прокурорга шубҳали кўринган. Айблов томонидан буюртма қилинган суд тиббий экспертиза 2017 йилда Абдулла Д. 17—20 ёш оралиғида бўлганини кўрсатган.
Қотиллик 2017 йилнинг декабрь ойида юз берган, ўшанда йигит тенгдош қизни шаҳар дорихоналаридан бирида 20 сантиметрли ошхона пичоғи билан пичоқлаган. Айблов талқинига кўра, қотилликка рашк сабаб бўлган.
Изоҳ (0)