Туркия президенти Ражаб Тоййиб Эрдўғон долларнинг халқаро савдо-сотиқдаги ҳукмронлигига нуқта қўйиш кераклигини айтди. Бу ҳақда у 2 сентябрь, якшанба куни Бишкекка ташрифи чоғида Туркия—Қирғизистон бизнес-форумида нутқ сўзлаётиб айтиб ўтди, деб ёзади «РИА Новости».
«Миллий валюталардаги ҳисоб-китобларни қўллаб, долларнинг халқаро савдо-сотиқдаги ҳукмронлигига барҳам бериш керак», — деди Эрдўғон.
Унинг сўзларига кўра, гўёки, савдо-сотиқни соддалаштириш учун яратилган ва долларга бириктирилган тизим айни вақтда энг катта муаммога айланган, савдо урушлари ва протексионизм кўплаб соҳаларда янги стратегияларни қўллашни тақозо этади. Валюталар курслари билан манипуляция қилишдан мақсад — кучли ва соғлом турк иқтисодиётига шубҳа қилишга мажбурлаш, деди Эрдўғон.
«Мақсад — Туркия иқтисодиётига зарба бериш. Бироқ ҳукумат томонидан қабул қилинган чоралар ва турк халқининг қатъий позицияси шарофати билан бу уриниш муваффақиятли тугамади», — дея қўшиб қўйди Туркия етакчиси.
Изоҳ (0)