Ўзбекистон миллий телерадиокомпанияси 2018 йилнинг 1 сентябридан МДҲ мамлакатлари ва Марказий Осиё минтақасида биринчи бўлиб мутлақо янги ҳисобланган 4K форматли юқори тиниқликдаги Lux.TV 4K телеканалини ишга туширмоқда. Бу ҳақда ЎзМТРК раиси Алишер Хўжаев Facebook’даги саҳифасида маълум қилди.
Бу Рақамли телевидениега ўтиш бўйича Давлат дастури доирасида Ўзбекистон Республикаси Ахборот технологиялари ва коммуникацияларини ривожлантириш вазирлиги билан ҳамкорликда амалга оширилмоқда.
Lux.TV 4K телеканали Ўзбекистон миллий телерадиокомпаниясининг техник ва технологик имкониятларини намойиш этувчи юқори даражали брендга айланиши кутилмоқда. У 24 соат узлуксиз намойиш этади.
«Lux.TV 4K телеканали ўз дастурлари ёрдамида телетомошабинларни аъло кайфият улашувчи оромбахш лаҳзаларга ошно қилиб, мазмунли ҳордиқ чиқариш билан бир қаторда турмуш ташвишларидан бир муддат узоқлашиб, ҳаёт гўзалликларидан баҳра олишга чорлайди», — дейилади хабарда.
https://www.facebook.com/a.khadjaev/videos/524146397999216/?t=0
Изоҳ (0)