«Ўзтўқимачиликсаноат» уюшмаси биносида тўқимачилик саноатидаги ҳамкорлик бўйича Ўзбекистон-Ҳиндистон қўшма ишчи гуруҳининг учинчи мажлиси бўлиб ўтди. Бу ҳақда уюшма матбуот хизмати хабар бермоқда.
Йиғилишда тўқимачилик соҳасидаги икки томонлама Ҳиндистон-Ўзбекистон савдо, иқтисодий, молиявий ва техник ҳамкорликни кенгайтириш масалалари кўриб чиқилди.
Томонлар тўқимачилик ва тикув-трикотаж саноатидаги лойиҳаларни, шунингдек, синтетик ва сунъий хом ашёдан фойдаланишга қаратилган лойиҳаларни амалга ошириш учун Ўзбекистонга Ҳиндистондан инвестицияларни биргаликда жалб қилишга келишиб олди.
Шунингдек, тўқимачилик соҳасида илмий ва инновацион ривожланиш, малакали кадрларни тайёрлаш ва қайта тайёрлаш, сертификатлаштириш ва метрология тизимларини янада такомиллаштиришга қаратилган ҳамкорликни йўлга қўйиш режалаштирилмоқда.
Йиғилиш якунида Ўзбекистон-Ҳиндистон қўшма ишчи гуруҳининг учинчи мажлиси Баённомаси имзоланди.
Изоҳ (0)