2018 йилнинг биринчи ярмида Россия ва Ўзбекистон орасида маҳсулот айирбошлаш ҳажми ўтган йилнинг шу даврига нисбатан 30 фоизга ошиб, 2,8 миллиард долларга етди. Бу ҳақда Ўзбекистоннинг Россиядаги элчиси Баҳром Ашрафхонов маълум қилди, дея ҳабар беради Sputnik.
Ўзбекистон ва Россия ўртасида маҳсулот айирбошлаш ҳажми йил охирига қадар 5 миллиард доллардан ошиши кутилмоқда. Икки давлат ўзаро савдо-сотиқ ҳажмини 6 миллиард долларга етказишни мақсад қилган.
Ашрафхоновга кўра, 2018 йил бошидан буён Россиядан Ўзбекистонга жалб қилинган сармоялар ҳажми 600 миллион долларни ташкил қилди. Россия капитали иштирокида ташкил қилинган 114 та янги корхона пайдо бўлди.
Ўзбекистонда очилган корхоналар сони бўйича Россия биринчи ўринни эгаллаб турибди.
Изоҳ (0)