Россия президенти Владимир Путин имзолаган фармонга мувофиқ, 104 киши Россия фуқаролигини қўлга киритди, деб ёзади Sputnik.
Улар орасида 16 нафар ўзбекистонлик, 14 молдовалик, 11 арманистонлик, 10 нафардан беларуслик ва тожикистонлик, 9 озарбайжонлик, беш нафардан украиналик, афғонистонлик ва вьетнамлик, уч нафардан грузиялик ва қозоғистонлик, икки нафардан франциялик, туркиялик ва исроиллик, бир нафардан кипрлик, ҳиндистонлик, италиялик, АҚШлик ва германиялик бор. Россия фуқаролигига, бундан ташқари, РФ ҳудудида туғилган икки киши ҳам эга бўлди.
Фармонга кўра, ушбу шахслар Россия фуқароси қасамёдини қабул қилган кундан фуқароликка эга бўлади, вояга етмаганлар бундан истисно — болалар ота-оналари қасамёд қабул қилган вақтда улар билан биргаликда фуқароликка киради.
Изоҳ (0)