Ўзбекистон Молия вазирлигидаги бўш иш ўринлар учун танлов ғолиблари эълон қилинди

Ўзбекистон Республикаси Молия вазирлигида Ўзбекистон Республикаси Президентининг 2018 йил 21 июлдаги ПҚ-3877-сон «Ташқи молиялаштириш манбаларини диверсификациялаш бўйича чора-тадбирлар тўғрисида»ги қарори ижросини таъминлаш мақсадида ташкил этилган «Давлат суверен, корпоратив (банк) қарз мажбуриятлари ва давлат қарзи бошқармаси»нинг вакант лавозимларига эълон қилинган танлов жараёнининг барча босқичлари ниҳоясига етди. Бу ҳақда вазирлик матбуот хизмати хабар берди.

Танлов тўрт босқичда амалга оширилди ва 26 июлдан то 14 августгача давом этди. Танловда 68 дан зиёд ўзбекистонлик ва энг асосийси чет давлатлардаги нуфузли молия идораларида меҳнат қилаётган Ўзбекистон фуқароларининг қатнашганлиги эътиборга лойиқ бўлди. Иқтисодий (макро/микроиқтисодиёт) билим, аналитик таҳлил қила олиш қобилияти, кредит рейтингларини тушуниш, ахборот технологияларидан бемалол фойдалана олиш, янгича фикрлаш, ишлаш ва қарорларни қабул қила олиш, шунингдек инглиз тилини мукаммал билиш танловнининг асосий талаби бўлди.

Қуйида барча босқичлардан муваффаққиятли ўтган номзодларни эътиборингизга ҳавола этмоқдамиз.

1. Темур Малик Нарзикулов;
2. Аббос Жўрабоев;
3. Дилнавоз Қўлдошева;
4. Наргиза Нигматова;
5. Сатторбек Ахмедов;
6. Акбархон Иброхимов;
7. Севара Атабаева;
8. Дилноза Лутфуллаева;
9. Сардор Хусанов;
10. Фаррух Хамдамов;
11. Бегзод Сагатов.