O‘zbekiston Respublikasi Moliya vazirligida O‘zbekiston Respublikasi Prezidentining 2018-yil 21-iyuldagi PQ-3877-son “Tashqi moliyalashtirish manbalarini diversifikatsiyalash bo‘yicha chora-tadbirlar to‘g‘risida”gi qarori ijrosini ta’minlash maqsadida tashkil etilgan “Davlat suveren, korporativ (bank) qarz majburiyatlari va davlat qarzi boshqarmasi”ning vakant lavozimlariga e’lon qilingan tanlov jarayonining barcha bosqichlari nihoyasiga yetdi. Bu haqda vazirlik matbuot xizmati xabar berdi.
Tanlov to‘rt bosqichda amalga oshirildi va 26-iyuldan to 14-avgustgacha davom etdi. Tanlovda 68 dan ziyod o‘zbekistonlik va eng asosiysi chet davlatlardagi nufuzli moliya idoralarida mehnat qilayotgan O‘zbekiston fuqarolarining qatnashganligi e’tiborga loyiq bo‘ldi. Iqtisodiy (makro/mikroiqtisodiyot) bilim, analitik tahlil qila olish qobiliyati, kredit reytinglarini tushunish, axborot texnologiyalaridan bemalol foydalana olish, yangicha fikrlash, ishlash va qarorlarni qabul qila olish, shuningdek ingliz tilini mukammal bilish tanlovnining asosiy talabi bo‘ldi.
Quyida barcha bosqichlardan muvaffaqqiyatli o‘tgan nomzodlarni e’tiboringizga havola etmoqdamiz.
- Temur Malik Narzikulov;
- Abbos Jo‘raboyev;
- Dilnavoz Qo‘ldosheva;
- Nargiza Nigmatova;
- Sattorbek Axmedov;
- Akbarxon Ibroximov;
- Sevara Atabayeva;
- Dilnoza Lutfullayeva;
- Sardor Xusanov;
- Farrux Xamdamov;
- Begzod Sagatov.
Izoh (0)