Ўзбекистоннинг «Яллама» чегара-божхона постига туташ жойлашган Қозоғистоннинг «Б.Конисбаев» чегара-божхона постидаги юк автомашиналар тирбандлиги юзасидан Давлат божхона қўмитаси ахборот хизмати изоҳ берди.
Давлат божхона қўмитаси томонидан бугунги кунда чегара божхона постлари орқали фуқаролар ва транспорт воситаларининг ҳаракатини назорат қилиш видео-кузатув тизими орқали онлайн тарзда олиб борилмоқда.
Мазкур кузатувлар шуни кўрсатмоқдаки, чегара-божхона постлари, хусусан, «Яллама» чегара божхона постида Ўзбекистон Республикасидан қўшни давлатларга кириш-чиқиш учун автотранспорт воситаларининг тирбандлиги кузатилмаяпти.
Бундан ташқари, Қозоғистон Республикасида вужудга келган автотранспорт воситаларининг тирбандлиги ҳолатига аниқлик киритиш мақсадида Давлат божхона қўмитасининг масъул ходимлари доимий равишда қўшни давлатнинг «Б.Конисбаев» чегара-божхона пости раҳбарияти билан ишчи тартибда музокаралар ўтказмоқда.
Музокараларда юзага келган муаммоли масалалар, жумладан, автотранспорт воситаларининг тирбандлигини бартараф этиш учун барча кучлар сафарбар қилиниши билдирилган. Қисқа муддатларда буни амалга ошириш чоралари кўрилмоқда.
Изоҳ (0)