Буюк Британиянинг The Economist журнали Global Liveability Ranking 2018 — дунёнинг яшаш энг қулай бўлган шаҳарлари рейтингини эълон қилди, деб ёзади «РИА Новости».
Биринчи ўринда Австрия пойтахти Вена, иккинчи ўринда Австралиянинг Мельбурн шаҳри, учинчи ўринда эса Япониянинг Осакаси жойлашди.
Рейтингнинг биринчи ўнлигига, шунингдек, Калгари (Канада), Сидней (Австралия), Ванкувер (Канада), Токио (Япония), Торонто (Канада), Копенгаген (Дания) ва Аделаида (Австралия) кирди.
Россиянинг Москва ва Санкт-Петербург шаҳарлари тегишли равишда 68 ва 70-поғоналарни эгаллади. Яшаш учун энг номақбул шаҳар, The Economist талқини бўйича, Суриянинг Дамашқ шаҳри бўлди.
Рейтинг соғлиқни сақлаш даражаси, маданий ривожланиш, атроф-муҳит тозалиги, таълим, инфратузилманинг ривожланиш даражаси каби қатор кўрсаткичларга асосланган.
Изоҳ (0)