БМТ бош котиби Антониу Гутерриш Каспий денгизининг ҳуқуқий мақоми ҳақидаги конвенциянинг имзоланишини маъқуллади ва ҳужжатни минтақавий ҳамкорлик йўлидаги тарихий муваффақият деб атади. Бу ҳақда «Интерфакс» хабар бермоқда.
«Бу тарихий ҳужжат халқаро тинчлик ва хавфсизликни қўллаб-қувватлаш учун зарур бўлган минтақавий ҳамкорлик аҳамиятини намойиш қилади», — дейилади БМТ раҳбари баёнотида.
Бош котиб конвенцияни имзолаган беш давлат — Россия, Қозоғистон, Озарбайжон, Туркманистон ва Эронни ушбу тарихий ютуқ билан табриклади.
Эслатиб ўтамиз, 12 август куни Қозоғистоннинг Ақтау шаҳрида бўлиб ўтган «Каспий бешлиги» саммити Каспий денгизининг ҳуқуқий мақоми ҳақидаги конвенциянинг имзоланиши билан якунланди.
Изоҳ (0)