Тошкентдаги Инҳа университетига 32 ёшли Музаффар Жалолов ректор этиб тайинланди

Тошкентдаги Инҳа университетига 32 ёшли Музаффар Жалолов ректор этиб тайинланди, деб хабар бермоқда «Nuz.uz».

Жалолов Тошкент ахборот технологиялари университетини тамомлаб, Кореянинг Йонгнам университетида магистратурада таҳсил олган.

Меҳнат фаолиятини UNICON.UZ ДУКда бошлаган. Турли йилларда Ахборот технологиялари ва коммуникацияларини ривожлантириш вазирлигида ҳамда Геодезия ва хариташунослик миллий марказида ишлаган. Жорий тайинловгача UNICON.UZ фан-техника ва маркетинг тадқиқотлари маркази давлат унитер корхонаси директори ўринбосари бўлиб ишлаган.

ОТМнинг аввалги ректори Сарвар Бобохўжаев Халқ таълими вазири (Инҳанинг биринчи ректори) Шерзод Шерматовнинг ўринбосари этиб тайинланган эди.