Samarqand viloyatida yong‘in o‘chirish amaliy sporti bo‘yicha O‘zbekiston Respublikasi ochiq chempionati bo‘lib o‘tmoqda. Ushbu chempionatda respublikamiz bo‘yicha 17 ta jamoa ishtirok etmoqda. Bu haqida “Daryo” muxbiri Farhod Norbo‘tayev xabar bermoqda.
Musobaqaning tantanali ochilish marosimida O‘zbekiston Respublikasi IIV Yong‘in xavfsizligi bosh boshqarmasi o‘rinbosari podpolkovnik R.Jo‘rayev, Samarqand viloyati IIB boshlig‘i o‘rinbosarlari podpolkovnik R.Ashrapov va F.Hasanov, Samarqand viloyat IIB YOXB boshlig‘i podpolkovnik S.Mirsaidov, IIV o‘quv markazi boshlig‘i polkovnik K.Ergashevlar ishtirok etishdi.
Musobaqa 4 tur (shart) asosida o‘tkazilmoqda. Birinchi turda ishtirokchilar narvon bilan o‘quv minoraning 4-qavatiga ko‘tarilish (ishg‘ol qilish), ikkinchi turda yong‘in o‘chirish estafetasi, uchinchi turda 100 metrga to‘siqlar osha yugirish va to‘rtinchi turda yong‘in o‘chirish avtomobilida jangovor yoyilish (tarqalish) shartlari asosida o‘zaro bellashmoqda.
Respublika musobaqasining dastlabki o‘quv minoraga norvon orqali chiqish shartida Andijon viloyati birinchi, Navoiy viloyati ikkinchi hamda Samarqand viloyati uchinchi o‘rinni egallashdi.
12-avgust kuniga qadar o‘tkazilgan musobaqa Samarqand shahridagi “Dinamo” o‘yingohida o‘tkazilgan.
Turnirda Lukoyl kompaniyasining Buxoro-Qandim korxonasining yong‘in xavfsizligi boshqarmasi jamoasi ham ishtirok etgan.
Izoh (0)