Лондонда 85 ёшида адабиёт йўналишида Нобель мукофоти соҳиби ҳисобланган Видиадхар Найпол вафот этди. Бу ҳақда ёзувчининг қариндошларига асосланиб, BBC News хабар тарқатди.
https://twitter.com/ArslanAgrarian/status/1028407681399308290
Meduza’нинг ёзишича, Видиадхар Найпол 30 дан ортиқ китоблар муаллифи саналади. У 2001 йили «ўз асарларидаги муҳокама қилишга ўрганмаганимиз фактлар устида мушоҳада юритишга мажбур қиладиган ўткир ҳикоя қилиш услуби ва букилмас самимийлиги» учун адабиёт соҳасидаги Нобель мукофоти билан тақдирланган.
«Осилган ҳолатда» номли романи Найполнинг энг машҳур асарларидан бири саналади, бу асари учун ёзувчи 1971 йили Букер мукофотини олган. 2018 йили бу роман Букер мукофотини сўнгги 50 йилда қўлга киритган энг яхши асар номига даъвогарлар рўйхатига киритилган, бироқ якунда «Олтин Букер» Майкл Ондатженинг «Инглиз бемор» асарига насиб этди.
Изоҳ (0)