Ўзбекистонда нефть қазиб олиш ҳажми камайди, бензин ва дизел ишлаб чиқариш эса ошди

Ўзбекистонда 2018 йилнинг дастлабки етти ойи давомида бензин ва дизел ишлаб чиқариш ҳажми ортди. Бу ҳақда Давлат статистика қўмитаси маълум қилди.

Маълумотларга кўра, 2017 йилнинг январь—июль ойларида Ўзбекистонда 638,7 минг тонна бензин ишлаб чиқарилган бўлса, 2018 йилда кўрсаткич 10,2 фоизга ўсиб, 657,1 минг тоннани ташкил этган.

Дизел ёқилғисини ишлаб чиқариш суръати 11 фоизга ўсган. Бир йил аввал етти ой ичида 553 минг тонна дизел тайёрланган бўлса, бу йил худди шунча муддатда 650 минг тоннадан ортиқ ёқилғи ишлаб чиқарилди.

Айни вақтда, Ўзбекистонда нефть қазиб олиш ҳажми 9,9 фоизга қисқарган — 2018 йилнинг январь—июль ойларида 437,5 минг тонна «қора олтин» қазиб олинган, бир йил аввал эса 485,3 минг тонна қазиб олинган эди.