Санкт-Петербургнинг Весёлий Посёлок туманидаги «Белие ночи» меҳмонхонасининг учинчи қаватидан ўзбекистонлик аёл тушиб кетди, деб ёзади «Невские новости».
Ҳодиса 4 август куни юз берди. 25 ёшли ўзбекистонлик қиз касалхонага ётқизилди. Унинг аҳволи оғир: шифокорлар унда кўп сонли синишлар ва умуртқа шикастланишини аниқлади.
Ҳуқуқ-тартибот органлари ўзбекистонлик қиз билан бирга меҳмонхона хонасида бўлган ўзбекистонлик 60 ёшли эркакни сўроқ қилди.
Маълумотларга кўра, ушбу хонани бир кун аввал 4—5 кишидан иборат осиёликлар банд қилган. Хона 25 ёшли чет эллик эркакнинг номига расмийлаштирилган.
Изоҳ (0)