Эрон президенти Ҳасан Руҳонийнинг жорий йил август ойига режалаштирилаётган Ўзбекистонга ташрифи арафасида Россия Фанлар академияси Жаҳон иқтисодиёти ва халқаро алоқалар институти посцовет тадқиқотлар маркази эксперти Фарҳод Ибрагимов Эрон ва Ўзбекистон етакчилари қандай йўналишлар бўйича шериклик ҳақида келишиб олиши, кун тартибидан қандай масалалар ўрин олиши юзасидан ўз фикрини билдириб ўтди, деб ёзади «Содружество» пресс-клуби.
Эрон ва Ўзбекистон икки томонлама ҳамкорликни кенгайтириши мумкин бўлган бир йўла бир нечта йўналишларни муҳокама қилиши керак. Умумий чегара йўқлигига қарамай, Эрон Ўзбекистонни минтақадаги энг муҳим ўйинчилардан бири сифатида кўради. Иккала мамлакат ҳам терроризмга қарши курашдан иборат умумий мақсадни кўзлайди.
Иқтисодий алоқаларни ривожлантириш ва терроризмга қарши кураш Шавкат Мирзиёев ва Ҳасан Руҳоний учрашуви доирасидаги асосий масалалар бўлади.
Эрон АҚШнинг Кенг қамровли қўшма ҳаракатлар режасидан чиқиши билан боғлиқ иқтисодий қийинчиликларга қарамай, Яқин Шарқда етарлича аҳамиятли давлат бўлиб қолмоқда, ва Тошкентда буни яхши тушунишади.
Эроннинг Ўзбекистондан манфаатдорлиги Теҳроннинг Тожикистон билан алоқалари чигаллашиб қолгани билан боғлиқ. Эрон Марказий Осиёда яқин шериклик алоқаларини ривожлантириш мумкин бўлган алтернатив иштирокчини қидирмоқда.
Шунингдек, яқин орада Эрон ва Озарбайжон ҳудуди орқали Мумбай портини Санкт-Петербург билан боғловчи халқаро транспорт йўлаги лойиҳаси ишга тушади. Ўзбекистон Марказий Осиёнинг илғор мамлакатларидан бири сифатида шериклик шартлари асосида ушбу лойиҳага қўшилиши мумкин.
Изоҳ (0)