MMA jangchisi Mahmud Murodov O‘zbekiston fuqaroligiga ega bo‘ldi

MMA jangchisi Mahmud Murodov O‘zbekiston fuqaroligiga ega bo‘ldi. Bu haqda uning o‘zi Instagram’dagi sahifasi orqali ma’lum qildi.

“26 yil davomida shu kun kelishiga shubha qilmagan edim, hech qachon o‘z ajdodlarimni va o‘zbek o‘g‘loni ekanligimni unutmaganman va bugun buni tasdiqlovchi hujjatni qo‘limga oldim. O‘z yurtimning haqiqiy fuqarosi sifatida uning sha’nini jahon miqyosida himoya qilishga va bayrog‘ini ko‘klarga ko‘tarib, o‘zbek sportchilarining qudratini har bir mamlakatga yoyishga va’da beraman. Har bir inson orzu bilan yashaydi, meniki esa bugun ushaldi. Yana bir bor rahmat...”,—deb yozadi Mahmud.

Mahmud Murodov asli Tojikistonda tavallud topgan bo‘lib, ikki yoshida ota-onasi bilan O‘zbekistonga ko‘chib kelgan. Ko‘p yillardan beri jahon ringlarida O‘zbekiston bayrog‘i ostida jang qilib kelayotgan edi.